大日子軼事迷思：為何攝影師總愛關掉房間所有燈？

接上文分享酒店出門㨂選房間要點，係依度分享多一樣好笑既事

話說好多時我地到左酒店房，入門幾件事就係set燈、set機、拎褂呀金器介指之類既物件拍下啲「死物shot」

除此之外，就係熄左間房既燈

跟住好正常就會聽到有親戚朋友或者新人會話：「邊個熄晒啲燈呀，好暗呀！」

查實依個又係去番尋日所講既光線問題：係因為光既質地，熄左現場既燈，係因為有雜色

一般嚟講酒店房間為左營造氣氛，都會用黃色燈作為房間主要光線顏色，即係所謂暖色。依個唔係問題，但最大問題係窗外太陽光線在早上至下午都係維持係比較偏向藍色既色調，即係冷色，冷溝暖，溝唔埋不特止，仲真係會唔靚到想打人既，即係人既面口充滿住又黃又藍又綠既顏色，因此，我地會盡量關掉房間燈光令房間光線色調統一番，再用我地自己既燈作打光房間之用

下次見到我地攝影師入房就熄左燈，就千祈唔好鬧我地做乜熄燈啦